ATAAVARTUSSAMIK KAJUMISSUTSIMIK SULINEQ PILLUGU ISUMASIOQATIGIINNEQ VESTERHAVEP EQQAANI
Peqatigiiffissinni ataatsimoorfigisakkassinniluunniit qanoq patajaatsumik sinaakkusiinissat soqutigaajuk? Kalaallit Nunaanneersunik Savalimmiuneersunillu (nutaanik) ikinngutitaarusuppit naalagaaffeqatigiinnerlu ilisimanerulerlugu?
Taamaammat suliniaqatigiiffimmeersut naalagaaffeqatigiinnermi ataavartussamik suliniaqatigiinnermut isumasioqatigiinnermut aggersaapput.
Inuusuttut 40-it tikillugit Kalaallit Nunaanneersut, Savalimmiuneersut Danmarkimeersullu Sletterstrandimut Nordjyllandimiittumut aggustip naalernerani angalanissaminnut periarfissaqarput.
Peqatigiiffiit/ataatsimoorfigisartakkat aqqutigalugu qanoq ataavartussamik suliniaqatigiilluarsinnaaneq ujartorusupparput.
Ataatsimoorluta sammisaq apeqqutit makku tunngavigalugit misissuissaagut:
- Kajumissutsimik suliniaqatigiinneq Danmarkimi, Kalaallit Nunaanni Savalimmiunilu qanoq ingerlava?
- Kajumissutsimik suliniaqatigiinneq orniginartoq qanoq pilersinneqarsinnaava?
- Qanoq qulakkeersinnaavarput peqatigiit ukioq ataaseq marlulluunniit qaangiuppata suli atassasoq?
- Qanoq peqatigiinneq tamanit kajumerineqartoq peqataaffigineqarsinnaasorlu pilersissinnaavarput? Inuillu peqataasut akisussaaffimmik tigusiumalersillugit?
Peqatigiiffiit arlallit sumiiffinni ataasiakkaani nunalu tamakkerlugu kajumissutsiminnik sulerusuttunik siulersuisoqarnikkullu unamminartorsiortarput. Tamatumanissaaq ilaapput ilaasortassarsiornermi ilaasortaareersunillu ataannartitsiniarnermi.
Isumasioqatigiinnermi matumani kajumissutsimik peqatigiiffeqarnikkut misilittakkasi aallaavigissavagut, Danmarkimi, Kalaallit Nunaannilu assigiissutsisi assigiinngissutsisilu paasiniassallugit.
Kajumissutsimik sulinermi isummanik illuatungeriissunik oqimaaqatigiissitsiniarsinnaaneq pisarpoq.
Assersuutigalugu imaasinnaavoq suliaqarpallaarluni uippakajaalinnginnisaq pillugu paarerusuttoqartoq, aappaatigulli kaammaatuilaarnissaq taamaalilluni peqatigisap suleqatigiiffigisami atorfissaqassutsi malugissammagu. Susoqarneralu apeqqutaatillugu nalorninarsinnaavoq qaqugukkut susoqassanersoq. Taamaammat pissuseq tamanna ”assigiinngissusermik” taavarput.
Aaqqiigasuarnernik aaqqissutissaqanngilaq – nunagisanilu suliniaqatigiiffiit tamarmik assigiinngissitaartuugamik iliuusissaat assigiinngitsuusinnaapput.
Kajumissutsimik sulineq nuannerlunilu ilikkagaqarnartussaavoq. Taamaattorli suliassaqarpallaarnermik tatisimaneqarnermillu malitseqarsinnaavoq.
Ataavartussamik kajumissuseqarnermi peqatigiiffeqarnikkut pitsaasumik isumalluuteqarnissaq pisariaqarpoq. Arlaat unissagaluarpat allanngortoqassagaluarpalluunniit taartissaqartuaannartariaqarpoq.
Saqqummiussinermi matumani qanoq ataavartussamik kajumissutsimik sulineq qulakkeerumallugu apeqqutit ataanisut ittut qaqilerneqassapput:
- Kajumissutsiminnik sulisut qanoq iliornikkut qasunnginnissaat angussavarput?
- Soqutiginnissusaat qanoq qaffatsissavarput?
- Qanoq inissaqartitsisoqarsinnaava tamannalu qanoq kaammaatuutinngortissinneqarsinnaava?
Isumasioqatigiinnissamut anguniakkat:
- ilisimasaqarnerulerlutillu peqatigiiffinni ulluinnarnilu atorsinnaasannik sakkussaqarnerulissasutit
- nunat akornanni suleqatigisinnaasannik nanisissasutit
- nunat akornanni attaveqatigiinneq ilisareqatigiinnerlu qaffassasoq
-peqataasutut peqataasunut allanut misilittakkanik avitseqateqarnissat
Misissuinissatsinni apeqqutigiumaakkavut:
- Kajumissutsimik suliniaqatigiinnermi Kalaallit Nunaanni, Savalimmiuni Danmarkimilu suut unammillernarpat?
- Peqatigiiffiit qanoq ittunik sinaakkusiisinnaava kajumissutsimik suliniartunut iluaqutaasumik?
-Ataavartussamik kajumissuseqarneq suua soorlu oqaluuserissallugu pingaarpa?
Pilersaarut
Pilersaarut pingasunut agguarneqarnikuuvoqrogrammet:
1) Ukioq manna sammisaq pillugu atuartitsineq (piujuaannartussamik kajumissuseqarneq)
2) Naalagaaffeqatigiinnerup iluani suleqatigiinneq pillugu atuartitsineq kiisalu
3) Nordjyllandimi pisuttuaqatigiinneq. Pilersaarut suli ingerlanneqarpoq, taamaammallu allanngoratarsinnaalluni.
Pilersaarummi ataavartussamik kajumissuseqarneq peqatigiiffiup tungaanit inummiillu qanoq isikkoqarsinnaanersoq takutissavarput.
Malugalugu: Pilersaarut suli inerisarneqarmat allanngoratarsinnaanera malugeqqunarpoq.
Pilersaarutaagallartoq matumani atuarsinnaavat.
Apeqqutissaqarpit?
Suliniummut aqutsisoq attavigiuk Jonas Roelsgaard jro@duf.dk (+45) 60 20 14 50.
Pilersaarutaagallartoq
Ulloq 28.8: Kalaallit Nunaannit/Savalimmiunillu DK-mut angalaneq
Ulloq 29.8: Københavnimi isumasioqatigiinneq (Naalagaaffeqatigiinneq)
Ulloq. 30.8: Nordjyllandimi isumasioqatigiinneq (sammisaq) + pisuttuaqatigiilaarnerlu
Ulloq. 1.9: Nordjyllandimi isumasioqatigiinneq (sammisaq) + pisuttuaqatigiilaarneq + angerlamut angalaneq
Ulloq. 2.9: Kalaallit Nunaannut/Savalimmiuneq angerlarluni angalaneq
Sjómaq-puljen
Pilersaarummissaaq suliniaqatigiiffiup aningaasaateqarfianut tunngasunik ilisimatinneqarumaarpusi, taamaalillusi Savalimmiuni, Kalaallit Nunaanni Danmarkimilu suliunituissinnut qinnuteqarsinnaanngussallusi.
Foreløbigt program
Du finder et foreløbigt program via linket herunder.
NB. Programmet er stadig under udvikling og er derfor med forbehold for ændringer.
Paasissutissat
- Sumi: Slettestrand, Nordjylland.
- Piffissaq: 29. august - 1. september (ullut ilaallutik).
- Akia: Akeqanngilaq (angalaneq, nerisaqarneq ineqarnerlu ilaallutik).
- Oqaatsit: Isumasioqatigiinneq danskisut pissaaq, pisariaqassappallu oqalutseqarumaarpoq.
- Qinnuteqarit: Qanoq qinnuteqarsinnaanerlutit matumani atuarit.
QANOQ PEQATAASINNAAVUNGA?
Apeqqutaavoq naalagaaffeqatigiinnerup iluani nunamit sorlermeersuunersutit. Ataani atuaqqigit.
Qinnuteqarfissamut killiliussaq
Juunip 23-ani nal. 23:59 (qallunaat nalunaaqutaat malillugu) tungaanut qinnuteqartoqarsinnaavoq
Kikkunnut
Aaqqissuussineq manna inuusuttunut 18-it 30-llu akornanni ukiulinnut Kalaallit Nunaanni, Savalimmiuni Danmarkimiluunniit najugalinnut aaqqissuussaavoq. Piumasaqaatit pillugit atuaqqigit.
