Suliniutip Sjómaq-p siunertaraa inuusuttut nunat Kalaallit Nunaat, Savalimmiut Danmarkillu, tassa naalagaaffeqatigiinnerup iluani ilisarisimaqatigiinnerat annertusassallugu. Paarlaasseqatigiinnikkut qaammaassaqartitsiniarlunilu sulinikkut nunat kulturitigut naapeqatigiinneq nunallu akornanni paaseqatigiinneruneq anguniarneqarpoq.

Suliniut pingasunik immikkoortoqarpoq:

- Aningaasaateqarfik: Suliniutip immini aningaasaateqarfianut inuusuttut nunat akornanni sammisassanut qinnuteqarsinnaapput. Inuusuttut eqimattat peqatigiiffiillu minnerpaamik nunat marluk ataatsimoorlutik peqataaffigisassaannik sammisassanut isumassarsiallit tapertinnissaminnik qinnuteqarsinnaapput.

- Sammisassat: Paarlaasseqatigiinneq qaammarsaanerlu suliniummi sammisassanut ilisarnaataapput, taakkulu nunat tamakkerlugit ukiumoortumik sammisaqartitsinermut sammisassanullu annikinnerusunut nunani pineqartuni ataasiakkaani sammisassanut tunngassapput. Matumani nunat allat pillugit paasisaqarnerusinnaallutillu inuusuttunik naalagaaffeqatineersunik suleqatissarsiornissamut periarfissarsillutillu isumassarsiorsinnaavutit.

- Ilisimasaqarneq: Suliniutip ingerlanerani naalagaaffeqatigiinnermi inuusuttut ilisarisimaqatigiinnerannut apeqqutinullu allanut misissuisoqarluni nalunaarusiortoqarumaarpoq. Tamatuma saniatigut suliniuteqartoq naatsunik videoliorumaarpoq nittartakkatigut naapeqatigiiffinnut ilisassanik, taamaalilluni inuusuttut akornanni ilisimasarnermik qaffatsitsisussamik.

Naak Kalaallit Nunaanni, Savalimmiuni Danmarkimilu oqaluttuarisaanikkut, kulturikkut politikkikkullu attuumassuteqartoqaraluartoq inuusuttut amerlasuut akunnerminni Kalaallit Nunaanni, Savalimmiuni Danmarkimilu ilisarisimaqatigiinneq annikippallaarsorineqartarpoq.

Kulturikkut, oqaatsitigut inuiaqatigiittullu nutaaliatut ilisimasakinnerup soqutiginninnginneq, isummiutiinnartakkat taamaassorinninnerillu pilersissinnaavaat, taakkulu atugarliornermik suleqatigiinnerlunnermillu pilersitsisinnaapput. Ingammik danskit inuusuttaasa Kalaallit Nunaat Savalimmiullu pillugit ilisimasaat annikipput, aammali Kalaallit Nunaanni Savalimmiunilu inuusuttut pillugit ilisimasat annertugisassaanatik.

Naalagaaffeqatigiinni naapiffissaqarnikkut inuusuttut atugarisamikkut unammillernatitatik pisariaqartitatillu pillugit naapeqatigiinnikkut imminnut ilisarinerulersinnaapput, isummiutiinnarsimasatik atorunnaarlugit nunallu akornanni ikinngutitaartorlutik. Taamaaliornikkullu inuusuttunik maligassiuisunik naalagaaffeqatigiinnermi ilisimaarinnittunik nutaamillu isiginnittunik pilersitsisinnaasorivugut. Tassuuna ungasinnerusoq eqqarsaatigalugu nunat akunneranni suleqatigiilluarneruneq anguneqarsinnaasoraarput.

Tamamaammat DUF - Dansk Ungdoms Fællesrådip nunani pineqartuni tamani suliniu t Sjómaq pilersippaat. Tamannalu finanslov tunuliaqutaralugu aningaasaliissutit katillugit 14 mio. kr. piffissami 2022-mit 2026-mut pilersinneqarpoq. Pilersitsineq pillugu DUFs hjemmeside-ani atuaqqigit

Ateq 'Sjómaq' oqaatsimit ’imaq’-mit oqaatsinit pingasuusunit (sjógvur, imaq og hav). Katitigaavoq. Ateq suliniutip aqutsisuisa aalajangigaraat.

Sooq?
Immap nunat atassuteqartippai. Kalaallit Nunaanni, Savalimmiuni Danmarkimilu imaqarpoq. Ukiorpassuarni immap kisimi nunat atassuteqartippai. Aammali assilianngorlugu nunat tamarmik immamut atasorujussuupput, oqaluttuarisaanermi imarsiorneq aalisarnerlu amerlasuullu sinerissamiitsiterlutik.

Tamannattaarlu suliniutip ilisarnaataani takuneqarsinnaavoq nunat erfalasuisa qalipaataat atorneqarmata.

Suliniut DUF - Dansk Ungdoms Fællesråd -mit aqunneqarpoq suleqatigalugit AFS aamma MFS Savalimmiuneersut kiisalu SORLAK AFS-lu Kalaallit Nunaanniit.

Aqutsisoqatigiit nunanit tamanit marlukkaartut ineriartortitsiutigalutik suliniummi aalajangiisartuupput. Savalimmiunit Katrina Vang (AFS FO) aamma Magnus K. Durhuus (MFS). Kalaallit Nunaannit Romeo Blidorf (SORLAK) aamma Oskar Isbosethsen (AFS GL). Danmarkimillu Nicolas Ditlev N. Fromsejer aamma Emilie Vindfeldt-Bottke (begge DUF) peqataapput.

Suliniut Folketingimut ilaasortanit Anna Falkenberg/Edmund Joensen aamma Aaja Chemnitz Larsenimit finanslov aqqutigalugu aningaasalersugaavoq.