Aningaasaateqarfiup Naalagaaffeqatigiinnerup iluani inuusuttunut sammisassat ataatsimoorfiusussat naalagaaffeqatigiinnerullu akornanni ilisareqatigiinnerunermik siunnerfeqartut tapertassavai.

Sammisassaq/t ilusissaalu ilissi nammineq aalajangissavarsi. Sinaakkutit siammasipput, samminiakkap aningaasaateqarfiup siunertaata iluaniinnissaat pingaarneruvoq. Sammisassaq tassaasinnaavoq akunnerup naanerani sammisaq aalajangersimasoq pillugu isumasioqatigiinneq, pisuttuaqatigiinneq, aasarsioqatigiinneq, filmcamp, isiginnaartitsineq, pisuusaartitsineq imaluunniit qarasaasiakkut isumasioqatigiinneq.

Aningaasaateqarfiup aningaasaliinissamut piumasaqaatai atuakkit, tassuuna aalajangiisartut akuersinissaminnut isiginiagaat paasilluarumallugit.

Inuusuttut suliniaqatigiiffii suulluunniit oqartussaaqataanermik tunngaveqarluni aaqqissuussaasut Kalaallit Nunaanni, Savalimmiuni Danmarkimiluunniit angerlarsimaffillit aningaasaateqarfimmut qinnuteqarsinnaapput.

Naalagaaffeqartiiinnermi nunat ikinnerpaamik marluk suleqatigiissapput, pitsaassaarlu aamma pingasuuppata.

Sammisassami inuusuttut aqutsisuussapput, pilersaarusiorlutik ingerlatsillutillu, taakkulu 16-it 30-llu akornanniunerusoq ukioqassapput. Akisussaasutut qinnuteqassagaanni 18-leereersimasariaqarpoq.

Ukiumut qinnuteqarfissaq ataasiusarpoq. Ukioq manna 2025-mi qinnuteqarfissaq kingulleq tassaavoq februaarip 19-at 2025 nal. 09:00(Danskit nalunaaqutaat malillugu)

Qanoq annertutigisumik
qinnuteqartoqarsinnaava? 200.000 kr tikillugit qinnuteqartoqarsinnaavoq.

Qaqugu?
Maanna qinnuteqaruit suliniutiginiakkat maajip aallaqqaataanit 2025-mit 2026-mi oktoberip 31-ata tungaanut ingerlanneqarsinnaapput.

Qinnuteqaatinik suliarinnittartut apriilip aallartinnerani 2025-mi ataatsimeeqqaassapput. Qinnuteqaammut akissutisisoqassaaq kingusinnerpaamik apriilip naanerani 2025-mi.

1. Qinnuteqarfissaq pdf-tut word-tulluunniit aajuk immersorlugulu.
2. Qarasaasiakkut immersoruk (DUF-ip nittartagaatigut Sjómaq-puljen tooruk) Pdf-tut immersukkat ilaliutissavat.

Malugiuk! Qinnuteqaat danskisut tuluttulluunniit allanneqassaaq.

Aningaasaateqarfiup malittarisassai danskisut uani, kalaallisut uani savalimmiormiutullu uani takuneqarsinnaapput.

Aningaasaliissutinik tunineqarneq:
DUF-mit aningaasaliiffigineqarlusi nalunaarfigineqarussi aningaasat amerlanerpaat kontossinnut nuunneqarnissaat kissaatigisinnaavarsi. Innersuussutigissavarput peqatigiiffiup kontoa atussagissi. Savalimmiuni Kalaallit Nunaanniluunniit aningaaserivimmut nuussititsissaguit inuusuttunulluunniit suliniaqatigiinnut attaveqaataaguilluunniit bankverifikationsbrevimik nassiussissaatit. Tamannalu isumaqarpoq nuusseqquseqqaarnermi bankimit allakkanik ilanngussissasutit, tassanilu uppernarsarneqassaaq konto nuussiffissaq inuup peqatigiiffiulluunniit pigigaa. Allagaq tamanna bankverifikationsbrevitut imlt. Bank Verification Letter-isut ilisimaneqarpoq.

Malugalugu aningaasaliissutit kittaartumik tunniunneqassammata:
- 80 %-ii tunniunneqassapput suliniutip aallartinnerani
- 20 %-ii tunniunneqassallutik nalunaarusiornermi

1. Tunniussineq: Immersugassaq immersoruk DUF-mullu nassiullugu, taava tapiissutit kittaarneri siulliit tigussavatit.
2. Tunniussineq: Immersugassaq immersoruk nassiullugulu. Kittaarneri kingulliit piumallugit nalunaarnermi suliniummut nalunaarusiortoqassaaq. Apeqqutit naatsorsuusiorfissarlu formularimiipput. 100.000kr sinnerlugu aningaasaliiffigitissimagussi naatsorsuuserisumit atsiukkamik nalunaarusiarsi ilassavarsi – matuma ataani tamanna pillugu atuaqqigit.

Nalunaarusiorneq:

Sjómaq-puljenimit aningaasaliiffigitissimaguit suliniutissinnut nalunaarusiussaatit, naatsorsuusiussaatit apeqqutillu akillugit nassiussavat, naatsorsuusiavit imarissavaa tapiissutit qanoq atorneqarsimanersut. Tamanna kingusinnerpaamik suliniutip naammassineranit qaammat ataaseq qaangiutsinnagu nassiunneqassaaq. Nalunaarusiorfissaq formularimiippoq aappassaanik tunniusseqqusinermi.

Aningaasaliissutinik nuusseqqusinermi nalunaarusiamilu akisussaasuuluni attaveqaataasoq atsiussaaq uungalu nassiunneqarluni sjomaq@duf.dk. Sagsnummer-p ilanngunnissaa eqqaamallugu

Aningaasartuutit tamaasa pisinermut uppernarsaatinik, fakturanik assigisaannilluunniit uppernarsaaserneqassapput, taakkuli DUF-mut nassiunneqassanngillat DUF piumaffiginninngippat. DUF piumasaqarsinnaavoq allatigut uppernarsaanermik. Naatsorsuusiat suliniutip naammassineranit ukiuni tallimani paarineqassapput, DUF uppernarsaatinik piumasaqarsinnaammat.

Suliniutinut 100.000kr sinnerlugit taperneqarsimasunut nalunaarusiorneq
100.000 kr sinnerlugit taperneqarsimagussi nalunaarusiassi nassiunnerani naatsorsuuserisumit uppernarsarneqassaaq. Naatsorsuuserisoq naalagaaffimmit akuerisaq immersugassamut immersuissaaq atsiorlunilu. Naatsorsuuserisup nalunaarusiornissaanut immersuiffissaq uaniippoq: Revisorerklæring. Naatsorsuusiornermi naatsorsuuserisussi ilitsersuutit uaniittut malissavai: Revisorinstruks. Naatsorsuuserisussinnut nassiunnissaa eqqaamagisiuk.

Assinittaaq videonillu naatsunik susoqarneranik oqaaseqatigiinnik ikitsunnguugaluartunik sammisap qanoq ingerlasimaneranik oqaluttuartumik nassiussigussi nuannaarutigissavarput!

Qinnuteqarnermut/nalunaarusiornermut Allamulluunniit suleqatissarsiorneq unamminartippiuk? Ikiortissarsiorninni periutsit pingasut siunnersuutigaagut:

1) Isumassarsiorneq, attaviit siunnersortinnerlu: Suliniutip ukiumoortumik sammisaqartitsineranut peqataagit. Ingammik sammisaqartitsinerit annertunerusut allanut attaveqarnissamut periarfissiissapput (Quppernermi ’Sammisassat’-ni atuaqqigit.

2) Attaveqarneq nittartakkakkullu siunersioqateqarneq: Suliniutip Facebook-gruppe-anut ilanngugit. Tassani isumassarsiat saqqummiussinnaavat, siunersioqateqarlutit siunnersortillutit kiisalu avannaamioqatigiinnik suleqateqalerlutit. Uani naniuk.

3) Sjómaq-team attavigikkit: Suli nalornissaguit Sjómaq-mi inuit attavigisinnaavatit. (Quppernermi ’Attavigiuk’-mi atuarit). Apeqqutiginiakkat tunngavigalugu kina apeqquteqarfigisinnaanerlugu maana atuarit:

- Julie attavigiuk, aningaasaateqarfiup piumasaqaataanut apeqqutissaqaruit (suut periarfissaanersut pillugit), missingersuutit sammisassamiluunniit tapiissutisereerlutit allannguutit imlt. Qinnuteqarnermut nalunaarusiornermulluunniit apeqqutissaqaruit.

- Jonas attavigiuk, isumassarsiannut/sammisassannut, missingersuusiannut, qinnuteqarninnut suleqatissarsiornissannullu siunersioqateqarusukkuit.

Aningaasaateqarfiup aningaasaliisarnermut ataatsimiititaliaata qinnuteqaatit sorliit taperneqassanersut aalajangertarput. Tassanilu aningaasaateqarfiup siunertanut naapertuunnera ingammik §4 tapiinermut piumasaqaatit isiginiarneqartarput.

Aningaasaliisarnermut ataatsimiititaliaq arfinilinnik ilaasortaqarpoq, taakkulu Savalimmiuniit, Kalaallit Nunaanniit Danmarkimiillu 30-it tikillugit ukiuliullutik. Nunat tamarmik marlunnik ilaasortaatitaqarput.

Uani piumasaqaatit pillugit atuaqqissinnaavutit.

Annika Jespersdóttir, MFS (2024-mi Aningaasaateqarfimmi siulittaasoq)

Katrina Vang, AFS Færøerne

Paula L. Petersen, SORLAK

Oskar Isbosethsen, AFS Grønland

Nicolas Ditlev N. Fromsejer (BBU), DUF

Emilie Vindfeldt-Bottke (DDS), DUF