Sjomaq – Kalaallit Nunaanni, Savalimmiuni Danmarkimilu inuusuttut kattuffiat

Projekt Sjomaq naalagaaffeqatigiiffiup iluani inuusuttut annerusumik nukittunermillu ilisimasaqaqatigiilernissaat ataqatigiilernissaallu siunertaraa.

Projektip aningaasat agguagassiai atorlugit inuusuttut peqatigiiffii inuusuttullu kattuffii nunat minnerpaamik marluk sammisassanik pitsaasunik isumassarsiaqarunik nunat akimorlugit suleqatigiillutik suliniutinut tapiissutinik ujartuisinnaallutillu qinnuteqarsinnaapput.

Suliniutip saniatigut naalagaaffeqatigiiffiup iluani ukiumoortumik sammisassaqartitsisoqartarpoq, tassanilu naalagaaffeqatigiiffiup iluani avataanilu nunat allat pillugit annerusumik ilisimasaqarnerulersinnaavutit, inuusuttoqatillu nunat allaninngaanneersut ataqatigiinnersi nukittorsarsinnaavat qanorlu suliniuteqaqatigiissinnaanermik ilinniarfigalugulu ilisimasaqarfiginerulersinnaavat.